Главная страница
qrcode

Марий йылме дене зачетный урок (5класс).. Урокын темыже Вияш оян предложений Цель


НазваниеУрокын темыже Вияш оян предложений Цель
АнкорМарий йылме дене зачетный урок (5класс)..doc
Дата15.11.2016
Размер42,5 Kb.
Формат файлаdoc
Имя файлаMariy_yylme_dene_zachetny_urok_5klass.doc
ТипУрок
#767
Каталог

Предмет: Марий йылме

Класс: 5

Урокын темыже: Вияш оян предложений

Цель:

  1. Туныктымо: ончыч налме шинчымашым ушештараш, пеҥгыдемдаш, текстыште вияш оян предложенийым муын мошташ, препинаний знак-влакым шынден, схемыштым сӱретлен мошташ туныкташ.

  2. Шуарыме: тунеммашын кӱлешлыкше нерген ойлаш, сай тунемаш, марий йылме дене лектын шогышо изданий-влакым лудаш кумы-лаҥдаш.

  3. Вияҥдыме: вияш оян предлженийыште препинаний знак-влакым шындыме, лудмо, возымо навык-влакым вияҥдаш.

Наглядность: таблице, сӱрет-влак.

Урокын типше: у темым тунеммаш.

Урокын видше: традиционный.
Урокын эртымыже

1. Оргмомент.

– саламлалташ, кӧ уло, кӧ уке – палемдаш.

2. Мӧҥгысӧ пашам тергымаш.

2.1. 181-ше паша, 91 стр.: простой предложений-влакым, келшыше ушем мут полшымо дене ушен, сложный предложенийыш савыраш.

1. Шӱргем эр кече ниялтыш, да мый шинчам почым. 2. Эр кочкышым ышташ шинчым, а йолташем-влак школышкат каят. 3. Сумкашкем теҥге-чак чыла оптенам, но математика дене книгам кодын улмаш. 4. Шуко малет гын, ыштышаш паша кодеш. 5. Телевизорысо кино сӧрал гынат, малаш жапыштыже вочман. 6. Чыла дене тӧр каяш манын, пашам жапыштыже ыштен шуктышаш улат.

2.2. Правилым йодмаш:

1) Простой ден сложный предложений-влак икте-весышт деч мо дене ойыртемалтыт? (Простой предложенийыште ик грамматический рӱдӧ, сложный предложенийыште кокыт але утларак лиеш).

2) Сложный предложений кӧргысӧ простой предложений-влак икте-ве-сышт дене могай ушем мут-влак полшымо дене кылдалт кертыт? (а, но, да, гын, гынат, манын).

3) Сложный предложенийыште запятой кузе шындалтеш? Схемым доскашке сӱретлаш. (, а, но, да; гын, гынат, манын ,).
3. У темым умылтарымаш.

3.1. Доскашке, тетрадьышке сераш:

Урокышто туныктышо йодо: «Йоча-влак, те могай книгам лудаш йӧратеда?» – «Мыланем йомак книга-влак келшат», – вашештыш ик тунемше.

– йодаш: Нине предложений-влак мо дене ойыртемалтыт? (Вияш оян предложений-влак улыт).

– схемыштым сӱретлаш: 1) А: «В?»; 2) «В», – а.

– схемым умылтараш: А, а – авторын мутшо; В, в – вияш ой.

3.2.Учебникысе правилым лудаш, схеме-влакым сӱретлыкташ (93 стр.).

3.3. Сӱрет-влак дене паша.

– йодаш: Йоча-влак, а те йомакым лудаш йӧратеда? (Тунемше-влак вашеш-тат). Айста ынде шке изирак йомакым шонен ончена.

– кажне партышке сӱрет-влакым колташ, нунын почеш устно йомакым чоҥаш, тыгодым вияш оян предложений-влакым кучылташ, учебникысе могай схемылан келшен толмыштым палемдаш.


  1. У темым пеҥгыдемдымаш (учебник дене паша).

4.1. 186-шо паша:возен налаш, вияш оян предложенийым муаш, знакым шындаш, схемым сӱретлаш.

Икымше предложенийым пример шотеш доска дене ышташ.

1. Южыжо маныт: «Ай, ава тунемаш ок покто гын, молан тунемашы-же?» А: «В?»

2. Икманаш, теве мом каласынем: «Шӱдӧ ий иле, шӱдӧ ий тунем!» А: «В!»

Схеме-влакым доска дене тергаш.

– йодаш: Йоча-влак, тиде текстым лудмек, могай иктешлымашым ыштен кертына? Мом ме шотышко налшаш улына? ( тунеммашын кӱлешлыкше – шуарыме тат).

– кондитерын профессийжым тунемше-влакым кузе умылымышт нерген йодаш, умылтараш.

4.2. 187-ше паша (устно):лудаш, вияш оян предложенийым палемден кодаш, схемыжым доскашке сӱретлаш.

«Шичса, вашмутланда 20-ан!» – тыге француз школышто туныктышо тунемшыжлан каласен кертеш. «В!» – а.

4.3. 188-ше паша (письменно): вияш оян предложенийым возен лукташ, схемым сӱретлаш.

«Пашада ушныжо, ончыкыжымат мыланна тыгай сылне йокмам пӧлек-лаш кумылда ылыжынак шогыжо!» – каласынем редакций пашаеҥ-влаклан. «В!» – а.

– йодаш: Йоча-влак, а те «Ямде лий» газетым лудын шогеда мо? Марий йылме дене лекше эше могай газет ден журнал-влакым паледа? (шуарыме тат).
5. Иктешлымаш.

Йодыш-влак:

  1. Вияш оян предложений могай кок ужаш гыч шога? (Вияш ой, авторын шомакше).

  2. Мом вияш ой манына? (Вес еҥын ойжым вашталтыде каласымаш).

  3. Мом авторын мутшо манына? (Авторын мутшо вес еҥын ойжым могай кумыл дене каласымым ончыкта).

  4. Вияш оян предложенийым схеме дене ончыкташ могай условный пале-влак кучылталтыт? (А, а – авторын шомакше; В, в – вияш ой).


6. Мӧҥгысӧ пашам пуымаш.

М/п: 1) 189-ше паша, 94 стр.: авторын мутышкыжо келшен толшо глаголым ешарен, предложений-влакым возен налза, кӱлеш интонаций дене лудса;

2) правилым тунемаш.
7. Оценкым шындымаш:

– мӧҥгысӧ пашам ыштымылан;

– урокышто пашам тыршен ыштымылан.
Кучылтмо литератур

  1. Кузнецов В.В., Кузнецова Н.В. Марий йылме. 5 класслан учебник. – Йошкар-Ола: Марий книга савыктыш, 2007. – 200 с. – С. 91, 93–95.

  2. Кузнецов В.В., Кузнецова Н.В. Марий йылме: 5 класс: Методичес-кий полыш. – Йошкар-Ола: Марий книга савыктыш; ГОУ ДПО (ПК) С «Марий образований институт», 2008. – 104 с. – С. 43 – 44.


Оценка за проведение_____________.

Учитель-предметник: Князева Э.А.

Завуч школы: Дождикова Л.Н.

Директор школы: Ахатов Ф.Н.





перейти в каталог файлов


связь с админом